कांग्रेस नेता पौडेल पक्षको केन्द्रीय सदस्यहरुको बैठक बस्दै

कांग्रेस नेता पौडेल पक्षको केन्द्रीय सदस्यहरुको बैठक बस्दै

काठमाडौं ।

नेपाली कांग्रेसका वरिष्ठ नेता रामचन्द्र पौडेल पक्षको केन्द्रीय सदस्यहरुको बैठक आज बस्दैछ । पौडेलले आफूपक्षीय केन्द्रीय सदस्यहरुलाई छलफलका लागि बोलाएका हुन् ।

पौडेल निकट केन्द्रीय सदस्य गुरु घिमिरेका अनुसार बैठक आज दिउँसो बस्दैछ । केन्द्रीय समिति बैठकमा आफ्नो समूहबाट साझा धारणा बनाएर प्रस्तुत हुन केन्द्रीय सदस्यहरुको बैठक बोलाएको पौडेल पक्षले जनाएको छ ।

बिहीबार मात्रै कांग्रेस सभापति एवं प्रधानमन्त्री शेरबहादुर देउवाले पनि आफूनिकट पदाधिकारीसँग छलफल गरेका थिए । कांग्रेस केन्द्रीय समिति बैठक आइतबार बस्दैछ । केन्द्रीय समिति बैठकले महाधिवेशनको तयारीका लागि विभिन्न उपसमिति गठन गर्ने जनाइएको छ ।

Leave a Reply

Your email address will not be published. Required fields are marked *